Layat 01 yer 05

D  tasuret tayezfant ak di leqran, tusa-d d tis snat deffir al fatiḥa,

msefhamen imusnawen belli Tesεa :

>  286 nwaylane(n layat)
>  6221 n imeslayen
>  Yusa-d degs:
>  1000 n yegdalen.
>  1000 n wanaγen.
>  1000 n isallen.
>  1000 n izarafen.

Asemmi-yis:

Tars ɣef yisem-agi (lbaqara): tafunast imi d-tusa degs yiwet n  teqsiṭ n yiwen n wergaz n At Isṛayil yettwanɣa ur ẓrin win t-yenɣan, ruḥen at taddart-is ɣer sidna Musa slam fell-as, akken ad sen-yefru tamsalt, mlan-as tadyant agi dɣa yewḥa-yas Ṛebbi ad-ten yenbeγ (ad-ten yamaṛ) ad zlun tafunast ad wten lmeyyet-nni s cwiṭ seg-s akken ad s-d-tuɣal tudert s tezmart n Ṛebbi, ad sen-d-yini win t-yenɣan. Tagi d tamkerra (lmuεǧiza) walan-tt s wallen-nnsen tbeggen-ed amek izmer Ṛebbi sebḥanu ad d-iḥyu wid immuten.

Azal-is
Yenna-d Nnbi fella-s taẓallit n Ṛebbi d slam-is: (Ur ttaǧat ara ixxamen-nnwen d tineṭîlin, cciṭan ireggel seg wexxam anda qqaren tasuṛet n lbaqara) [3]
Tumayt-is (Ayen yellan degs):
Tewwi-d aṭas n izuraf icaṛεiyen deg wayen yeεnan taflest tiwaluɣin, assaɣen ger yemdanen.d tṛebga.
Tettmeslay-ed ɣef teskanin n inaflasen, d irnaflasen d ijaεwanen. (wid d-iskanen taflest u ttefren tarnaflast).
Temmeslay-ed s waṭas ɣef udayen d ineṣraniyen (imasiḥiyen).

Afesser-is
Skanen-d waylanen-agi tiskanin n “el mutaqun” (imaskaγen) wigi d wid
yettagaden Ṛebbi, ttegen ayen ten-yumeṛ, ttaǧan ayen yegdel fell-asen:

الم

Alif-lam-mim

Kṛad isekkilen yettwaferqen ad ten-id-nɣer alif, lam, mim, akken tella tɣuri-nsen di taεṛabt.Di leqran llant 29 (snat n temeṛwin d tẓa) n tsuṭtin i yebdan s isekkilen I d-neqqar yal yiwen wḥdes, ger-asent:[4]
->Tisuṛtin yebdan s yiwen usekkil:
«Ṣad d leqran…»[Ṣad 1]
«Nun d wayen ttarun»[ 1Alqalam]
«Qaf d leqran...» [Qaf 1]
->Tid yebdan s sin isekkilen:
«Ṭa ha» [Ṭa ha 1]
«Ya sin» [Ya sin 1]
->Tid yebdan s kraγ (tlata) n isekkilen:
«Alif lam ṛa…» [Yusuf 1]
->Tid yebdan s ukué (ṛebεa) n isekkilen:
«Ali lam mim ṣad» [Al Aεṛaf 1]
->Tid yebdan s semmus (xemsa) n isekkilen:
«Kaf ha ya εin ûad» [Maryem 1]
Inna-d Abi Bakṛ d Σali fell-asen tadwet (riγwan) n Ṛebbi d Ṭufyan Etawṛi: (Iskilen ibḍan d tuffirt iǧǧa-tt Ṛebbi sebḥanu di tusna n wedrug).
Nnan-d imusnawen nniγen belli Ṛebbi yebḥa ad icqirrew aεṛaben yellan d iḥeddaden n wawal akken ad d-awin am leqran ma zemren imi yal tikelt ma d ttwabderen isekkilen –agi  iteddu-d yides-en leqran «Alif lam mim adlis-nni (leqran)» [Al baqara 1]
«Alif lam mim d adlis gerzen waylanen-is» [Hud 1]
«Alif  lam ra tida-k d layat n wedlis…» [Yusuf 1]

ذَلِكَ الْكِتَاب لَا رَيْبَ فِيهِ هُدًى لِلْمُتَّقِينَ

Adlis-nni ur yelli deg-s usurdu d awelleh i yemaksaγen”Almuttaqin”:

Adlis-nni: Di tutlayt n taεrabt seqdacen (dalika) i webeggen n wayen ibeεden, ma d adlis (Al kitab) d leqran, teskan-d laya-agi azal ameqran n leqran.Ur yelli deg-s usurdu: Ulac deg-s ccek, d awal n Ṛebbi yeqqimen akken i t-id-yefka bebbi, ur s-yerni walbaεγ acemma.Dawelleh i yemaksaγen ”Almuttaqin”: -Yeskan abrid n lxir di ddunit d laxert, imaksaγen wid ittagden adgeé n Ṛebbi di ddunit neɣ di laxart,xedmen amek ara menεen seg-s, ttnadin ad issinen tikli Umazan fell-as taẓallit n Ṛebbi d slam-is d imdukal-is, akken ad ddun deg webrid-nsen di tudert, s teflest d leqdic igerzen i wakken ad awin aεwin meq ṛen i laxaṛṛt-nsen wa ad selken seg wedgeé n wass n tagara.

الَّذِينَ يُؤْمِنُونَ بِالْغَيْبِ وَيُقِيمُونَ الصَّلَاةَ وَمِمَّا رَزَقْنَاهُمْ يُنفِقُونَ

Wid ifelsen s lɣayb (adrug), ttbeddan ɣef tẓallit, seg wayen i ten-neréaq ttṣeddiqen.

Wid ifelsen s lɣayb (adrug): D wid yettamnen s Ṛebbi, imazanen-is, d ineglusen (lmalayek), d lǧennet d times ɣas ur ten-walan ara, tidet-agi tettwassen s tmenna maççi s tmu ɣli (inna-tent-id Nnbi, yewwi-d ɣef wemdan ad yefles yisent melba ma iwala-tent).
Ttbeddan ɣef téallit: taẓallit s wudem igerzen s ma ṛ ṛa tigejda-s d tewtilin-is d lxucuε...
U seg wayen i ten-neréaq ttṣeddiqen: ttaken seg wayen sen-ifka Ṛebbi, d adrim neɣ d tamusni neɣ d lefhama, d wayen yellan ger ifasen-nnsen.

وَالَّذِينَ يُؤْمِنُونَ بِمَا أُنْزِلَ إِلَيْكَ وَمَا أُنْزِلَ مِنْ قَبْلِكَ وَبِالْآخِرَةِ هُمْ يُوقِنُونَ

D wid ifelsen s wayen d-yersen fell-ak, d wayen d-yersen send-ik ttamnen s wass n tagara.

D wid ifelsen s wayen d-yersen fell-ak: d taflest s leqran d adlis d-yersen s$ur Ṛebbi ɣef sidna Muḥammad fell-as taẓallit n Ṛebbi d slam-is.
D wayen d-yersen send-ik: taflest s leqran weḥdes ur tettqada-ara imi ilaq ad nefles s meṛṛa idlisen id-yersenen ɣef imazanen imezwura, am Zzabuṛ ɣef sidna Dawud, Tawṛat ɣef sidna Musa, Linǧil ɣef sidna Σisa.
ttamnen s wass n tagara: d taflest ur yelli deg-s usurdu s tudert n lebda (laxert) i deg yal yiwen ad yaf ayen yexdem ama d tarrazt neɣ d adgeé, maççčči am ddunit iteddun ɣer nger.

أُوْلَئِكَ عَلَى هُدًى مِنْ رَبِّهِمْ وَأُوْلَئِكَ هُمْ الْمُفْلِحُونَ

Widak ttuwellhen sɣuṛṛ Bab-nsen, widak d wid iɣelten

Seld mi d yessebegen Ṛebbi tiskanin n wid-ni t-ittagaden isseken-ed ɣer tagara belli deg webrid-is i teddun d nutni ara-imenεen si tfeggurt di laxaṛ

[1]-Oamal Eddin Essuyuṭi, tuffirin n ubellez n tsuṛṭin n leqran (asrar tertib suwar el qur-an), d adlis iεeddan, asebtar 28.

[2]- Maod Eddin Al Fayruz Abadi, timuɣliwin n wat tigzi di tmecṭaḥ n wedlis aεziz, (baṣa-ir dawi ettamyiz fi laîa-if el kitab el εaziz), Aseɣti n Muḥammad Σali Annǧaṛ, uṭṭun 3, asqqamu unnig n temsal n lislam, Al Qahiôa,1416h/1996, asebtar 133.

[3] Issaweγ-it-id Muslim d Ettirmidi.                                                                                                 

[4] -Limam Σimad Eddin Abu El fida Ismaεil Bnu Katir, Afesser n Leqran (tefsir elqur-an el εaγim), aḥric 1, Tamkarγit Ettawfiqiya, Al Qahiṛa, ur yesεa ara azemz usizreg, asebtar36.

Suivant >